Palc innovativ: 3 giadas musica nova

Blera variaziun sin il palc tar «Da cumpagnia» a Cuira, ina seria da concerts da Radiotelevisiun Svizra Rumantscha. Cun musicistas e musicists da l'Engiadina, Surselva e da la Val di Fascia en las Dolomitas.

Ina gronda gruppa da persunas sin il palc. Bild in Lightbox öffnen.

Legenda da maletgs: «Da cumpagnia» «Da cumpagnia» cun tut ils musicists e musicistas. RTR/dh

Ina giuven cun ghitarra al microfon sin in palc. Avrir maletg en lightbox.

Legenda da maletgs: Mattiu Defuns Il giuven chantautur durant il concert «Da cumpagnia» a Cuira. RTR/dh

Ils 20 da matg ha RTR puspè envidà a la sairada «Da cumpagnia» en il B12 a Cuira. Quai è stà in concert en 3 parts: Cun Giganto-Mattiu & Band, cun il chantautur engiadinais Curdin Nicolay e cun la chantautura Martina Iori da las Dolomitas, da la Val da Fascia en il Trentino. Lur musica è zunt differenta, perquai è quai stà ina saira da musica cun blera variaziun.



Curdin Nicolay (34 onns)

Sia emprima chanzun «Kindl» è cumparida il 2007, in onn pli tard ha el fatg il Top Pop Rumantsch cun «Nüglia da nouv», es il 2011 quatter chanzuns novas en furma digitala. Questa stad datti a la fin ses emprim disc:



Martina Iori (21 onns)

Ella vegn da Canazei en la Val da Fascia en las Dolomitas, fa in studi da musica, suna divers instruments, uschè er violina e viola – e sco chantautura suna ella ghitarra ed ukulela. Sia carriera ha cumenzà il 2014 cur ch’ella ha gudagnà SUNS e LIET, ils festivals da chanzuns da linguas minoritaras:



«Giganto-Mattiu & Band»

Els dus vegnan da la Surselva, Ivo Orlik (22 onns), vegn dal rap – Mattiu Defuns, (18 onns), è chantautur e ghitarrist, ed els èn sa scuntrads be per cas. Lur emprim disc cumpara bainprest:

Emissiun tar quest artitgel