La Festa federala da musica è il pli grond eveniment da quest gener en l’Europa. Ella ha lieu mintga 5 onns. Quest onn ils 10 enfin 12 ed ils 17 enfin 19 da zercladur a Montreux.
SRF, RTS, RSI ed RTR realiseschan communablamain ina seria da 4 emissiuns. Quellas mussan co quatter societads da musica, ina da mintga regiun linguistica, sa preparan per ir a Montreux a la Festa federala da musica. Sagogn, Schlieren, Saxon e Mendrisio – quatter uniuns en differentas classas e furmaziuns, mo tuttas cun la medema finamira: sa preparar uschè bain sco pussaivel per far il meglier rang pussaivel.