Siglir tar il cuntegn

Header

cuntegn

Live tar RTR «Crappa & Greppa» – l’emprim disc dals Galiots

Ils Galiots, ina band cun commembers pli madirs che han gugent il rock’n’roll, han edì lur emprim album. In album dubel che cuntegn atgnas cumposiziuns, chanzuns refatgas ed interpretaziuns rumantschas da semperverds da lur idols.

Tschintg veglias vulps èn s’entupadas l’entschatta dal nov millenni ed han fundà ina band. Quai eran Flavio Huonder, Corsin Stecher, Josef Sgier, Fabian Huonder e Balzer Spescha. Lur musica è cleramain il rock’n’roll à la Creedence Clearwater Revival, Doors, Tom Petty e Neil Young. Lur idols celebreschan els lura era cun arranschar atgnas versiuns cun texts rumantschs.

video
Ils Galiots en il studio da RTR
Or da RTR dals 27.11.2015.
laschar ir. Durada: 21 Secundas.

Uschia nascha ord «Riders on the Storm» dals Doors «Las strias fan da stuorn», e «Johnny B.Goode» da Chuck Berry survegn il titel rumantsch «Gioni Bigot».

L’idea da far tals covers è naschida l’onn 2001 als dis da litteratura a Domat cura che musicists rumantschs avevan fatg reprisas da tocs enconuschents.

Lur repertori cuntegn dentant era atgnas cumposiziuns, sco per exempel «Pirats», il 24 avel top pop rumantsch cumparì il 2011.

Artitgels legids il pli savens