Siglir tar il cuntegn

Header

cuntegn

Live tar RTR Il return da las Liricas Analas

Las Liricas Analas èn «BACK»! Suenter ina lunga pausa da quatter onns datti puspè novas dals rappuns sursilvans. Els han dà lur emprim concert, e lur nov disc «Banalitad» è cumparì.

Ils quatter commembers da las Liricas Analas
Legenda: Las Liricas Analas Las Liricas Analas 2016 DarioDeSiena

Ditg èsi stà ruassaivel enturn las Liricas Analas e bain inqualin vegn forsa ad avair fatg quitads sch’ins vegn insumma anc ina giada ad udir insatge dad els. Uss datti ina vehementa resposta: GEA, ils piuniers dal rap rumantsch turnan sin il palc e quai era gist cun nov sound! Ed uss è er arriva lur disc nov, il 5avel «Banalitad» cun in return tar lur ragischs: dapli rap e hip hop, damain disco.

Gia al principi da l'onn han els preschentà las emprimas dus singles «La clav» e «Dar il maun» ed els èn er stads sin tribuna

video
Suenter ina pausa da 3 onns turnan las Liricas Analas sin tribuna
Or da Telesguard dals 25.01.2016.
laschar ir

En il rom dal «Laax Open» han els dà ils 22 da schaner a Laax il concert da comeback. Igl è stà lur emprim concert dapi 3 onns. RTR ha visità ils trais sursilvans tar lur davos termin da studio ed ha accumpagnà els cun lur emprims pass enavos sin il palc.

video
Las Liricas Analas laschan reviver lur chanzuns veglias ensemen cun Ivo Orlik
Or da RTR dals 15.01.2016.
laschar ir

Discografia

  • Analogia (2004)
  • AnalFaBad (2006)
  • Analectrica (2009)
  • Analium (2012)
  • Banalitad (2016)

Artitgels legids il pli savens

Scrollar a sanestra Scrollar a dretga