Siglir tar il cuntegn

Header

cuntegn

Live tar RTR Roland Kaiser

Roland Kaiser – quai èn 40 onns schlagher e 90 milliuns discs vendids.

il chantadur da schlagher e Jachen Prevost, redactur da musica RTR
Legenda: Roland Kaiser suenter il discurs cun Jachen Prevost. RTR, M. Decurtins

Roland Kaiser, la corifea dal schlagher tudestg, è responsabel per hits sco «Joanna», «Manchmal möchte ich schon mit dir…» u «Santa Maria».

Il 1976 ha el edì ses emprim disc «Verde - Frei - Das heisst allein». Uss, 40 onns pli tard cumpara ses 26 avel DC: «Auf den Kopf gestellt».

Roland Kaiser ha visità RTR per in discurs cun Jachen Prevost. Els han discurrì da la vita da Roland Kaiser – era da temps pli grevs. Dentant betg mo quai: els dus han gì in fitg simpatic e vast discurs cun temas che tanschan da la musica da schlagher sco gener enfin tar l’engaschament social e politic. Roland Kaiser – in fitg simpatic um da 63 onns che ha vesì e fatg bler en sia vita – e che ha uschè era bler da raquintar.

En La Stailalva dals 14 da mars pudais tadlar ses nov disc «Auf den Kopf gestellt». Accumpagnà d’extracts dal discurs cun Roland Kaiser. I na dat dentant betg mo musica nova da Roland Kaiser, vus vegnis era ad udir ina giada puspè ses vegls hits.

video
Roland Kaiser emprenda rumantsch
Or da RTR dals 10.03.2016.
laschar ir. Durada: 43 Secundas.

Artitgels legids il pli savens