Siglir tar il cuntegn

Purtrets Carli Scherrer

Carli Scherrer vegn undrà per ses engaschament perseverant sco animatur da la vita musicala en Surselva, en spezial sco cumponist, sco dirigent e sco promotur da chantaduras e da chantadurs talentads.

Legende: Video Purtret da Carli Scherrer abspielen. Laufzeit 4:56 Minuten.
Dals 12.02.2015.

Biografia

Tgi che ha da far en Surselva cun chant enconuscha Carli Scherrer. La via dal vischin da Trun ch'è naschì 1938 è la classica. In bun fundament en il seminari da scolasts, quai tant per la clamada sco era per chant e musica, era per scolasts da sias uras ina premissa. Carli Scherrer ha adina dà scola a Trun en ses vitg. El è stà scolast cun corp ed olma. Betg mais è el stà dirigent e cumponist. Or da sia stanza da scola tunavan savens chanzuns, tuttina era or da sia stiva. Strusch en ina famiglia èsi vegnì chantà e sunà tant. Sias figlias e ses figl dattan perditga da quai. Dirigì ha el a Trun la musica ed il chor cecilian, a Schlans il chor. Sia gronda cumposiziun: La passiun da Jesus Christus.