Siglir tar il cuntegn

Header

video
Si cheu sun jeu libers
Or da Musica dals 12.02.2015.
laschar ir. Durada: 1 minuta 9 Secundas.
cuntegn

Purtrets Clau Scherrer - Si cheu sun jeu libers

Clau Scherrer e ses chor Cantus firmus Surselva, film documentar da Gieri Venzin, 70’

Atgnamain avess il musicist e dirigent Clau Scherrer gì da far carriera sin las grondas tribunas da la musica mundiala. El ha survegnì premis da tuttas varts, stipendis e bunas offertas professiunalas. Tuttina sa decida el da turnar en Surselva. "Si cheu sun jeu libers" di Clau Scherrer. "Cheu sai jeu far la musica ch’jeu vi, cun la glieud ch’jeu vi ed ella cuntrada ch’jeu vi". Puspè enavos en Surselva fundescha Clau Scherrer Cantus firmus Surselva e furma dad amaturas ed amaturs dal Chant in dals megliers chors en Svizra. Il cineast Gieri Venzin ha accumpagnà durant trais onns Clau Scherrer e ses Cantus firmus cun in team da camera. Ses film mussa co Clau Scherrer lavura e pertge che pli e pli bleras chantaduras e chantadurs vulan chantar cun el.

Dad udir èn sper grondas ovras da W.A. Mozart, Felix Mendelssohn, Frank Martin u Gion Antoni Derungs, era bellas chanzuns rumantschas da Benedetg Dolf, Duri Sialm, Gion Balzer Casanova u Carli Scherrrer.

In onn cun Clau Scherrer

In onn cun Clau Scherrer e cantus firmus surselva

Film en trais (t)acts da Gieri Venzin

Cun fundar cantus firmus surselva realisescha Clau Scherrer ses siemi da far musica cun chantadurAs rumantschAs. «Jeu audel biaras vuschs e lessel far ord quellas ina vusch.» Quai di il giuven musicist da Trun durant l’emprim exercizi da chant l’onn 1999. Sper ovras fitg enconuschentas chanta cantus firmus surselva bischus nunenconuschents, primaudiziuns, chanzuns rumantschas, tudestgas, franzosas, latinas... ed il giuven chor persvada pli e pli. Cun cantus firmus surselva vegn in nov tun en il chant rumantsch, in tun unic, in tun che Clau Scherrer udiss, sco el di sez, or da milli chors. Co mussa Clau Scherrer da chantar? Tge dat il chantar? E co fiss ina vita senza chant? A la tschertga da respostas avain nus visità durant in onn emprovas, concerts ed il mintgadi da chantadurAs e lur dirigent.

En ils films dals Cuntrasts pon ins guardar mo ina part da las registraziuns fatgas. Qua datti anc bler material supplementar, sco per exempel l'entira messa en c-mol da Mozart, intervistas cun chantaduras e chantadurs, sco era cun il dirigent dal chor cantus firmus surselva, Clau Scherrer. Mo vus pudais era guardar pertge ch'in dals concerts fiss prest dà en l'aua.

Artitgels legids il pli savens