La commembra dal OK sa regorda anc bain vid la 10avla ediziun dal Bike-Maraton Parc Naziunal cura che l’aura aveva sfurzà d’interrumper la cursa.
La data dal Bike-Maraton dal Parc Naziunal è per Chantal Mayor ina da las pli impurtantas en sia agenda. La dunna da 27 onns è da la partida dapi l’emprima ediziun da la cursa da velos e quai en tut differentas funcziuns. Actualmain è ella responsabla per il secretariat da l’eveniment.
Il Bike-Maraton è sper il Maraton da skis l’eveniment il pli acceptà en Engiadina e vegn er purtà ferm dals voluntaris.
Sper la cursa da bike en Engiadina, s’occupa la figlia d’ustiers er en in lavurdi cun eveniments sco managera tar la destinaziun turistica Engiadina Scuol Samignun Val Müstair. Per avair in midament da la lavur en biro ha Chantal Mayor cumenzà ina scolaziun al Plantahof.
Ses pli grond siemi è dentant da surpigliar ina giada l’hotel da famiglia en la Val S-charl. Numnadamain là nua ch’ella ha sias ragischs e sa senta il pli bain.