Siglir tar il cuntegn

Header

video
La Triada han interpretà novas chanzuns
Or da Telesguard dals 05.01.2022.
abspielen. Laufzeit 4 minutas 7 Sekunden.
cuntegn

Chantinadas La Triada: 12 mais – 24 chanzuns – 3 vuschs

Corin Curschellas, Ursina Giger ed Astrid Alexandre van ina via dal tuttafatg nova: «Chantinadas» – lur program nov sco abunament.

Dapi 10 onns stat «La Triada» per chanzuns popularas rumantschas, enconuschentas ed er da quellas bunamain emblidadas. Ellas arranschan quellas uschia ch’ellas survegnan in vestgi dal tuttafatg nov ed ellas expriman en moda intensiva plaschair ed allegria, melanconia e tristezza.

audio
Chantinadas, il program nov da La Triada
aus Musica vom 05.01.2022.
abspielen. Laufzeit 8 minutas 26 Sekunden.

In onn nov ed in project che va autras vias

Per lur program nov dal 2022 preschentan las trais chantaduras ina furma da distribuziun insolita. In dals motivs che ha manà a questa idea èn er las experientschas ch’ellas han fatg ils ultims mais durant il temp da pandemia. Paucas emprovas, concerts annullads ed il contact cul public – essenzial per ellas – che ha mancà. Corin, Ursina ed Astrid han però vuli restar optimisticas ed han decis da prender per mauns in nov project.

audio
Chantinadas: l'idea
aus Musica vom 05.01.2022.
abspielen. Laufzeit 35 Sekunden.

12 mais – 24 chanzuns – 3 vuschs

«La Triada» preschentan il 2022 lur chanzuns novas en furma d’in abunament che custa 47 francs. A partir dals 5 da schaner datti mintga dus emnas ina nova chanzun, adattada a la stagiun ed ad eveniments. Uschia han ellas tschernì melodias sco: «Chalandamarz», «Canzung dagl Anviern», «Scha sün las alps eu füss» ubain «Bunas Novas».

audio
La tscherna da las chanzuns
aus Musica vom 05.01.2022.
abspielen. Laufzeit 27 Sekunden.

In grond stgazi da melodias

Er questa giada èn la gronda part da quellas or dals archivs, per part melodias emblidadas ch' èn però anc adina actualas.

audio
In stgazi da melodias
aus Musica vom 05.01.2022.
abspielen. Laufzeit 39 Sekunden.

Gia il december è cumparida la chanzun «Virola virola» per lantschar la pagina d’internet e lur acziun. A partir dad oz datti lura mintga 2 emnas ina chanzun nova ch’ins po telechargiar. La fin dal 2022 datti tut las chanzuns er sin in disc.

audio
Ina nova via da distribuziun
aus Musica vom 05.01.2022.
abspielen. Laufzeit 19 Sekunden.

Artitgels legids il pli savens

Scrollar a sanestra Scrollar a dretga