Siglir tar il cuntegn

Header

video
Per guardar
Or da Telesguard dals 10.03.2023.
laschar ir. Durada: 5 minutas 10 Secundas.
cuntegn

Chor viril Surses Project «Rieischs» en la fasa finala

Il Chor viril Surses è conuschent sur ils cunfins dal chantun e vala sco in dals gronds chors virils rumantschs. Era ina spezialitad dal chor èn ils projects gronds che vegnan realisads en in tschert turnus. L’ultima gronda ovra era l'onn 2013 il Requiem da Franz Liszt. Perquai eri temp da prender a mauns ina nova sfida – e la cumbinaziun cun in orchester e chanzuns popularas ha persvas la suprastanza sco era il dirigent Rainer Held, declera il president dal comité d’organisaziun Maurus Dosch.

audio
Maurus Dosch en discurs il di da la premiera
ord Actualitad dals 11.03.2023. Maletg: RTR
laschar ir. Durada: 10 minutas 42 Secundas.

Trais ovras da trais cumponists contemporans

Il project actual cun il num cumplet «Rieischs surmiranas» è questa cumbinaziun tranter chor viril, orchester, ina vusch da solo – ina cumposiziun nova da radund 45 minutas lunghezza. A posta per il project han ins supplementarmain incumbensà trais cumponists contemporans da cumponer ina chanzun nova. In da quels è Mario Pacchioli ch’ha era gist chantà la part da solo cun il chor viril Surses che dumbra radund 60 chantadurs. Ils ulteriurs cumponists èn Nina Mayer, oriunda da la Bavaria e sesenta a Ramosch – e Flavio Bundi. Las trais chanzuns fan part da l'entir arranschament cun orchester nua, che ulteriuras set chanzuns tradiziunalas èn vegnidas integradas. In fitg interessant project, declera Maurus Dosch.

Per il dirigent è surtut l’equiliber tranter il chor ed il orchester central, e perquai sajan las ultimas emprovas decisivas. Lura possia il chor sentir ch’el saja ina part da tut e surtut suandar exact al dirigent. Ma els hajan uss pudì exercitar avunda e sajan perquai pronts per ils concerts, di Rainer Held che dirigia anc dus ulteriurs chors gronds.

Concerts quasi vendids ora

Surtut ils concerts a Savognin ed a Cuira sajan en la precumpra quasi vendids ora, quai fetschia natiralmain grond plaschair, di Maurus Dosch. En la Bassa na saja il Chor viril Surses betg uschè conuschent, ma els sajan era qua persvas che la musica attiria massa fans dal chant ma era dal rumantsch. Ed els sa legrian fitg da pudair sa preschentar era en la chapitala Cuira, perquai sch’ins fetschia blera lavur. Alura saja quai la paja da pudair sa preschentar era ordaifer la val.

RTR actualitad 17:00

Artitgels legids il pli savens