«Lavurar ina stad sin ina chamona, quai faschess jau uss era anc!» – Quai hai jau gia udì savens en mes conturn. Ma quant ferm romantisada vegn la vita sin la chamona? Per chattar ora quai hai jau accumpagnà Patricia e ses team durant lur emprima stagiun sco responsabels.
In pass curaschus
Patricia Venzin, che ha gia rimnà experientscha sco collavuratura sin la Chamona da Maighels, fa uss il pass sco guardiachamona en la Val Medel nua ch'ella è creschida si. La gronda differenza: ussa dastga ella prender tuttas decisiuns, ma ella porta era l'entira responsabladad.
-
Bild 1 von 7. Patricia Venzin (26), la guardiachamona. Bildquelle: RTR.
-
Bild 2 von 7. Paul Gartmann (20) e ... Bildquelle: RTR.
-
Bild 3 von 7. ... Selina Huonder (26) tutgan tar il team da coc da questa stagiun. Bildquelle: RTR.
-
Bild 4 von 7. La chamona ch'è dapi questa stad sut la bitgetta da Patricia Venzin. Bildquelle: RTR.
-
Bild 5 von 7. Nadia Venzin (28), la sora da Patricia. Bildquelle: RTR.
-
Bild 6 von 7. Patricia Venzin e Nadia Venzin che vegnan a manar ensemen la chamona. Bildquelle: RTR.
-
Bild 7 von 7. La Chamona da Medel. Bildquelle: RTR.
Tranter romantica e lavur senza fin
Ils dis sin la chamona èn lungs – fin 13 uras per di lavura il team. Igl è da preparar solver per las gruppas che van la damaun baud sin il Piz Medel e da schubregiar la cuschina suenter ch'ins ha servì als davos giasts in glas vinars avant ch'els van a letg.
E sche ti has uss marveglias co la stagiun è la finala stada per Patricia e ses team, tge sfidas ch'i han gì, tge ch'è il pli bel vid la vita sin chamona e tge midadas che spetgan sin l'enviern – lura guarda mes Clic! :)
