Cura che Conrad Plaz è turna cun 25 onns suenter la scolaziun a Savognin sco chanzlist n'ha el betg gì ils plans dad ir en l'independenza professiunala. Ils sis onns lavur sin chanzlia hajan er plaschì ad el, l'interess per il nov saja dentant adina er stà interessant per el ed uschia haja el ristgà la midada cun in agen biro da fiduziari ed immobiglias. Ed el saja mai s'enriclà da quella decisiun. Passa 30 onns ha el vivì per, cun e dad immobiglias.
Ussa cun 60 onns veglia el giudair dapli l’acla ed il temp liber – quai munta dentant betg da far nagut, tradescha l’econom da Savognin en il Profil. Ed uschia è il mument Conrad Plaz vi da surdar sia firma en mauns giuvens.