Oz lavura ella sco media assistenta en l’ospital a Frauenfeld sin il sectur da l’anestesia e da la medischina d’urgenza. L’autra primavaira turna ella probabel enavos en il Grischun. Ella veglia exnum rimnar experientschas sin la staziun intensiva. L’Ospital chantunal a Cuira haja in fitg bun num e porschia era la pussaivladad da lavurar parzial.
Amur per l’Asia
Dasper la lavur giauda Corina Tomaschett dad ir sin viadi. Gia suenter l’examen final a Berna è ella viagiada en l’Asia, nua ch’ella ha tranter auter visità il Bangladesch. In’aventura impressiunanta nua ch’ella ha er inscuntrà l’indigena Sakia Haque cun la quala ella ha pudì sfunsar en la societad locala.
-
Bild 1 von 3. Aschi spert sco pussaivel al lieu: Sch'ella n'è betg en sala d'operaziun filla Corina Tomaschett cun ils sanitaris d'urgenza tar accidents ed cas d'urgenza. Bildquelle: Corina Tomaschett.
-
Bild 2 von 3. Corina Tomaschett e Sakia Haque il 2016 en il Bangladesch. Bildquelle: Corina Tomaschett.
-
Bild 3 von 3. «Travelettes of Bangladesh» – Dad in'idea spontan tar in'organisaziun che pussibilitescha a dunnas en il Bangladesch da perscrutar l'atgna patria ed il mund (Sakia Haque, 8. persuna da dretg en la retscha davos). Bildquelle: Sakia Haque.
In inscunter che ha laschà enavos fastizs. Betg mo tar Corina Tomaschett, che ha chattà en Sakia ina buna amia cun la quala ella ha anc adina contact regular, mabain era per millis da dunnas en il Bangladesch. Sakia Haque ha suenter il viadi numnadamain fundà l’organisaziun «Travelettes of Bangladesh» che organisescha viadis per dunnas che n’avessan uschiglio betg la pussaivladad da vesair l’atgna patria u er auters pajais.
Rinforzar las dunnas tras viagiar (TED-Talk)
Sper il project da las “Travellettes of Bangladesh” ha Sakia Haque ch’è era media organisà in project per visitar tut ils 64 districts da Bangladesch cun scooter. En mintga district han ella ed sias collegas visità ina scola per educar las mattatschas davart la sanadad da dunnas ed co sa defender.