Dumengia suentermezdi èn ids a fin ils 26avels Dis da litteratura. Radund 300 persunas èn stadas preschentas a las numerusas prelecziuns e preschentaziuns. La concurrenza dal Premi Term Bel 2016 ha gudagnà Stina Hendry da Vella.
La glista dals auturs e da las auturas preschentas questa fin d’emna sin il palc da la Halla Tircal a Domat sa lascha vesair – quest onn eran quai tranter auter Gianna Olinda Cadonau, Arno Camenisch, Göri Klainguti, Tim Krohn, Arnold Spescha, Leo Tuor, Bendetto Vigne e divers auters. Els han prelegì or da lur publicaziuns, ma els han era discutà davart il scriver, la genesa da lur texts e la critica da quels.
Radund 300 persunas
Ils organisaturs tiran ina bilantscha positiva da questa 26avla ediziun dals Dis da litteratura. Tenor Maurus Candrian, commember dal comité d’organisaziun, haja l’idea dad envidar nums bain enconuschents en la scena litterara gì in bun effect sin la cifra da visitaders. Cun totalmain radund 300 entradas durant l’entira fin d’emna ha era quest’ediziun dals Dis da litteratura attratg in public cumparegliabel ad auters onns.
Stina Hendry gudogna il Premi Term Bel
00:52
video
Stina Hendry gudogna il Premi Term Bel.
Or da Actualitad dals 06.11.2016.
laschar ir. Durada: 52 Secundas.
Sala plaina aveva la sonda suentermezdi er in dals puncts culminants dals Dis da litteratura, la concurrenza litterara Premi Term Bel. Gudagnà quel premi ha quest onn la giuvna gimnasiasta Stina Hendry da Vella. Ella ha persvas la giuria cun ses text «Davos baselgia», in’istorgia davart in’amur che va a finir.
Il premi dal public va medemamain a la giuvna Lumneziana da 17 onns. Il Premi Term Bel, sponsurà da la vischnanca burgaisa da Domat, è dotà cun 1’000 francs, quel dal public cun 500 francs. Stina Hendry ha gia publitgà l'onn passà - ensemen cun sia collega Flurina Albin - il cudesch da fantasy «Emalio».
Ils Dis da Litteratura 2016 - ina revista fotografica
1 / 28
Legenda:
Stina Hendry è vistura dubla - ella gudogna il Premi Term Bel 2016 ed il Premi dal public.
RTR, esther berther
2 / 28
Legenda:
Las finalistas ed il finalist dal Premi Term Bel 2016 cun Theo Haas da Domat.
RTR, Esther berther
3 / 28
Legenda:
La tensiun crescha -
curt avant la premiaziun en la Sala Tircal.
RTR, guadench dazzi
4 / 28
Legenda:
«Rispli sin pupi» - il motto dals Dis da Litteratura 2016.
RTR, Isabelle Jaeger
5 / 28
Legenda:
En ses pled da bainvegni ha Sara Hermann intimà in num dal comité dad ir en tschertga dals cumenzaments.
RTR, Isabelle Jaeger
6 / 28
Legenda:
La vita en il paradis n’è betg simpla per Adam da l’autur Tim Krohn. Quai senta il public en la prelecziun il venderdi saira.
RTR, Isabelle Jaeger
7 / 28
Legenda:
La redactura da cultura Esther Berther en discurs cun l'autur Tim Krohn.
RTR, Isabelle Jaeger
8 / 28
Legenda:
Partida a chasa per la moderatura Maria Victoria Haas -
ella ha nizzegià las moderaziuns per ils Dis da Litteratura gist per in introducziun en il rumantsch da Domat - en 26 parts.
RTR, Isabelle Jaeger
9 / 28
Legenda:
Dan schlantsch a las cellas grischas: Livia Beer, Gaby Saluz ed Irene Federspiel en la cafeteria.
RTR, Isabelle Jaeger
10 / 28
Legenda:
Ils tavulinists litterars...
... live a Domat: Esther Krättli, Martin Camenisch e Clà Riatsch discutan davart novs cudeschs e prendan sut la marella ils instruments da scriventas e scrivents.
RTR, Isabelle Jaeger
11 / 28
Legenda:
Poet-pictur-chantadur -
Luis Coray è rivà a Domat cun tut las fassettas da si ‘ovra.
anr
12 / 28
Legenda:
L'ediziun bilingua da la prosa dad Andri Peer -
Bettina Vital la sonda avantmezdi en discussiun cun Annetta Ganzoni.
ANR
13 / 28
Legenda:
«Il spèrt e la val» è ina trilogia auditiva rumantsch-tudestga -
preschentada la sonda da Flurin Caviezel, Leo Tuor ed Anita Capaul.
RTR, Isabelle Jaeger
14 / 28
Legenda:
In diari en 111 haikus
Quai è il «Diari giapunais» da l'autur, poet, musicist e schurnalist Benedetto Vigne. Qua en la preschentaziun cun Claudio Spescha e Pia Valär.
RTR, esther Berther
15 / 28
Legenda:
Ellas ed el han instradà tut -
il comité d'organisaziun dals Dis da Litteratura 2016 èn Sereina Nay, Natalia Tuor, Maurus Candrian, Laura Decurtins Rosset e Sara Francesca Hermann.
ANR
16 / 28
Legenda:
La maisa da las maisas -
tar questa maisa da prelecziuns pon cummenzar carrieras literaras.
RTR, Guadench Dazzi
17 / 28
Legenda:
Malchapientschas tranter autur e scienzià?
A-ba, a tadlar a l’autur Göri Klainguti ed il scienzià Clà Riatsch na paran quellas betg dad exister...
RTR, Guadench Dazzi
18 / 28
Legenda:
In star al firmament litterar -
Arno Camenisch raquinta en ses discurs cun Claudio Spescha, ch'er el haja debutà sin il palc dals Dis da Litteratura a Domat.
RTR, Esther berther
19 / 28
Legenda:
Il musicist ed il text
Pascal Gamboni, musicist, el s’ha deditgà la sonda saira en il experiment artistic al text «Quatter giadas Budapest». La structura dal text s’ha platgada en sia interpretaziun.
RTR, Guadench Dazzi
20 / 28
Legenda:
La runda experimentala da la sonda saira sin tribuna -
Anna Serarda Campell, Sara Bienek, Pascal Gamboni, Myriam Gurini e Mirco Baselgia (da san.).
RTR, Guadench Dazzi
21 / 28
Legenda:
Baldina Cantieni preschenta la Chasa paterna cun ina racolta da texts or dal Chardun. Quella revista, che ha dat ina vusch a l'opposiziun.
RTR, Guadench dazzi
22 / 28
Legenda:
Concentraciun, inspiraziun.... u sfinì?
Il musicist Andri Steiner cun sia «nona», ses saxofon, sin tribuna. El ha enamà la vernissascha dal cudesch da poesias da Gianna Olinda Cadonau.
RTR, Guadench Dazzi
23 / 28
Legenda:
La poetessa ladina Gianna Olinda Cadonau prelegia da ses cudeshc nov (da dr.), Mevina Puorger edescha ed Andri Steiner enramescha la vernissascha da la dumengia bun'ura.
RTR, Guadench Dazzi
24 / 28
Legenda:
La generaziun giuvna è pronta
Chasper Pult en discussiun cun Francisco Cortez, Carla Ganzoni e Lina Camenisch.
RTR, guadench dazzi
25 / 28
Legenda:
Il finalist e las finalistas dal Premi Term Bel 2016 -
Gion Dominic Pohle, Stina Hendry, Rut Bernardi, Romana Ganzoni ed Alice Bertogg.
ANR
26 / 28
Legenda:
Fidaivels a la litteratura rumantscha -
il public en la sala Tircal a Domat.
ANR
27 / 28
Legenda:
In program vast durant trais dis.
RTR, Isabelle Jaeger
28 / 28
Legenda:
Domat - dapi 26 onns en november l'epicenter da la litteratura rumantscha.
RTR, Isabelle Jaeger
Trais differentas publicaziuns han gì lur vernissascha als Dis da litteratura. Uschia ha l’Engiadinaisa Gianna Olinda Cadonau preschentà sia emprima collecziun da poesias «Ultim’ura da la not / Letzte Stunde der Nacht».
Il Surmiran Benedetto Vigne ha prelegì per l’emprima giada ils «haikus» or da ses «Diari Giapunais». Ed il Sursilvan Leo Tuor ha pudì preschentar l’emprima giada ad in publicum ils trais discs cumpacts cun texts rimnads sut il titel «ll spért e la val / Der Geist und das Tal».