Siglir tar il cuntegn

Header

cuntegn

50 onns dretg da vuschar Placats animads

La dunna è ina creatira simpla ed in pau cucca, in baterliera che è surdumandada en dumondas politicas. Ils placats da propaganda cunter e per il dretg da vuschar da las dunnas èn in spievel per ils maletgs e las rollas dad um e dunna ils davos 100 onns.

Dapi il 1920 hai dà, l’emprim en differents chantuns, a partir dals onns 1950 era a livel federal, numerusas votaziuns per introducir il dretg da vuschar da las dunnas. Ditg han ils umens svizzers sbittà tut questas tentativas a l’urna. In interessant spievel da quests cumbats e lur arguments èn il placats. Affischas politicas dovran – quella giada sco era oz – stereotips ed emoziuns. Ins scuntra maletgs che irriteschan ed offendan dentant che han in gronda forza sugestiva e qualitads artisticas.

L’artist Rapahël Haab ha animà quests placats d’antruras. El s’ha laschà inspirar da lur lingua e lur stil artistic. Las affischas derivan da campagnas lantschadas tranter ils onns 1920 e 1960. Cun metter en moviment in detagl, cun raquintar ina curta preistorgia ans envida las curtas sequenzas a reflectar noss concepts d’egualitad ier ed oz.

Raphaël Haab è in giuven artist da films d’animaziun che viva e lavura ad Onex en il chantun Genevra. Sia lavur cumpiglia ils pli differents stils e tecnicas. El sa deditgescha gugent a tocs explicativs ed animaziuns da caracter documentar. Cun ses films è el adina puspè preschent a festivals da films d’animaziuns en Svizra ed a l’ester.

Artitgels legids il pli savens