Legenda:
Ils set candidats per la regenza.
RTR / Jon Bischoff.
Atgnamain avess questa primavaira en la preria grischuna pudì esser patgifica. In galop calm da set cowboys tras las elecziuns da la regenza, en tutta pasch ed armonia. Ma alura ha il sfratg dals cartels da construcziun bittà si pulvra mordio! In candidat per la regenza è restà pendì en la tschajera. In auter cowboy – sin in asen e cun ghitarra – è cumparì da nov or da la pulvra cun grond trari-trara e pauca muniziun. Ma ils set cowboys n’han betg sa laschà tementar ed èn chavaltgads vers il tramunt dal sulegl. Il di suenter han ins apparentamain anc vis tschintg dals set cowboys a chavaltgar tras la preria. E dunnas? – Quellas na cumparan betg en westerns.
