Siglir tar il cuntegn
cuntegn

Chalender d'advent 2018 14-12-2018 – Fin da l'emissiun?

Illustraziun cun moderaturs da la Tagesschau in visur en l'auter.
Legenda: Illustraziun: RTR / Jon Bischoff

L’entschatta 2018 metta in’iniziativa en dumonda radicalmain las medias electronicas en Svizra. La «Iniziativa No-Billag» vul abolir las taxas, cun las qualas vegnan finanziads surtut ils emetturs da la SRG SSR. Era tar RTR avessi alura num: «Fin da l’emissiun!» Suenter in cumbat da votaziun emoziunal è il verdict dal pievel però cler sco la televisiun: 72 pertschient da votantas e votants tramettan al diavel l’idea. Damai, pertge star a recapitular anc ina giada quest’entira istorgia da l’entschatta mars 2018? – Perquai che senza las taxas da concessiun na dessi gea betg l’illustraziun qua sura da Jon Bischoff. Ed er quest textin che Vus essas gist vi da leger na dessi betg. Quai fiss bain donn, u?