Siglir tar il cuntegn
cuntegn

Chalender d'advent 2018 15-12-2018 – Breil cunter Roma

Illustraziun.
Legenda: Illustraziun: RTR / Jon Bischoff

«Quei datti buc tier nus!» - pudess ins crair. Eppure, si muove: Il giuven e fitg apprezià plevon da la vischnanca da Breil s’inamurescha. Quai ch’è gea bel ed endretg, però absolutamain incumpatibel cun las directivas catolicas si da Roma. Ma il plevon na vul betg pli restar sut il giuf dal celibat, el vul viver si’amur e dat la demissiun a la plaiv. Quella è ferm trista che l’apprezià plevon parta e protesta perquai tar il papa cun ina petiziun. Cun suttascripziuns encunter il celibat. Ma Papa Francestg ha al mument probabel da s’occupar cun autras amurs aifer la baselgia catolica, da quellas anc pli delicatas e bler pli problematicas.