Siglir tar il cuntegn
cuntegn

Chalender d'advent 2018 20-12-2018 – La turta rumantscha

In um vegl davant ina turta cun trais plans pinca.
Legenda: Illustraziun: RTR / Jon Bischoff

Dar fieu 80 chandailinas – quai avess pudì far quest onn Peider Lansel barmier. El, il grond poet ladin ed activist rumantsch, aveva s’engaschà ensemen cun blers auters avant 80 onns per ch’il suveran svizzer acceptia ils 20 da favrer 1938 il rumantsch sco lingua naziunala.

Empè da Lansel e cumpagnia bella han auters laschà ir si quest onn las rachetas, auters han litgà la groma ed auters han la fin dals quints envidà las 80 chandailinas d’anniversari sin la bella turta da Lansel, la turta rumantscha.