Legenda:
Illustraziun: RTR, Jon Bischoff
Di da festa a Preda, l’entschatta d’october 2018. Il nov tunnel da tren da l’Alvra vegn perfurà. Ina rusna dapli en las profunditads dal terratsch svizzer. L’Emmentaler madira. La rusna da 5,8 km a l’Alvra ha duvrà trais onns lavur, vers 80 lavurers e custa la fin finala 345 milliuns francs. Ma pir en ulteriurs trais onns avessan da passar qua ils trens da la Viafer retica. Enfin là vegn ina dunna a restar fidaivla als lavurers dal tunnel: la sontga Barbara.
