Siglir tar il cuntegn
cuntegn

Chalender d'advent 2018 3-12-2018: «Igl è be ina chasa»

In chavaterra spazzà ina chasa a Bondo.
Legenda: Illustraziun RTR/Jon Bischoff RTR

Era durant quest onn 2018 rapportan las medias naziunalas largiamain da la bova da Bondo, capitada l'avust da l’onn passà. I rapportan davart lavurs, raps e dischillusiuns. I rapportan tant ch’ils Bregagliots han bunamain avunda da tut il tamtam medial. La fin da matg 2018 vegnan sbuvadas var 10 chasas en il territori devastà. Ed il di che sia chasa vegn sbuvada, di ina Bregagliotta pleds remartgabels: «Igl è be ina chasa, e betg ina persuna. A pensar a las famiglias da quels otg turists morts en la Val Bondasca, quai è trist! Ma ina chasa, quella pon ins refar.»