Legenda:
Illustraziun: Jon Bischoff.
RTR / Jon Bischoff
Tge resta en memoria dal Campiunadi mundial da ballape da quest onn en Russia? Neymar e ses talent teatral? L’aglia dubla dals dus burgais dubels Xhaka e Shakiri? Ils “flitzers” durant il final a Moscau? La blamascha dals Tudestgs? Il VAR, il “Video Assistant Referee”? U restan en memoria Mbappé, Modric e Kane? – A tut questas dumondas respundess in Talian: “Vaffanculo!” L’Italia ha numnadamain stritgà questa “estate italiana” or da sia memoria collectiva. L’emprima giada dapi decennis n’è la squadra azzurra betg sa qualifitgada per ina runda finala dal Campiunadi mundial da ballape – in debachel.
