Legenda:
RTR, Jon Bischoff
Ils 19 da favrer daventa la Casa Carigiet a Trun unfrenda da las flommas. Strusch ch’il fieu è stizzà, nascha l’idea da far or da questa chasa in museum per Alois Carigiet. Ils possessurs èn averts per tut las opziuns. La vischnanca ponderescha da cumprar la chasa e cumenza a far contractivas cun ils possessurs. A Trun regia fevra da Carigiet. Las contractivas da cumpra fan dentant naufragi. Sper baselgia resta il maletg d’ina ruina senza tetg ch’ha survegnì in mantè da segirtad. Ils proxims mais resta quest maletg. Cumpraders potenzials dovran temp per examinar las pussaivladads cun quest bajetg senza tetg.