Dal di a l’unda violetta
Prest 30 onns suenter l’emprima gronda chauma da dunnas han ellas puspè occupà vias e plazzas. 100’000s dunnas han pretendì ils 14 da zercladur: «respect, dapli temp e dapli paja». Cun tschaffen, allegria ma er insistenza han ellas fatg attent che la Svizra na saja, er 40 onns suenter l’artitgel d’egualitad, anc adina betg a l’autezza, quai che pertutga medemas pajas, cumpatibilitad da famiglia e professiun u la represchentanza da las dunnas en la politica. «Eppur si muove...», almain en Chasa federala: 1991 era nagina dunna en il Cussegl federal, oz trais. 1991 era la quota da dunnas en il Cussegl Naziunal 18%, oz 42% ed en il Cussegl dals chantuns sesevan il 1991 quatter dunnas, quest onn piglian 12 dad ellas plaz ed il pled en chapitel.