Legenda:
RTR Jon Bischoff
I dat in nov ed interessant element en il mund da las medias rumantschas. Il mars 2019 vegn fundà la nova Fundaziun medias rumantschas FMR. Ella duai permetter da rinforzar la plazza da medias rumantschas sco era garantir vinavant purschidas rumantschas en tun, maletg ed er text.
Las testas al timun èn plazzadas. Corina Casanova - anteriura chanceliera federala - surpiglia il presidi, David Truttmann - anteriur collavuratur dad RTR - daventa schefredactur. Ussa vai per intermediar, persvader da lavurar maun en maun e crear agens cuntegns – la lavur vegn ad esser pretensiusa e dovra in bun maun.
