Legenda:
RTR, Jon Bischoff
Il Grischun è puspè stà tema en l’entira Svizra. U meglier ditg IN Grischun. Cun las acziuns da polizia è vegnì fatg entiert ad Adam Quadroni. U meglier ditg ad «AQ», sco quai che politichers ed experts han formulà cun tutta premura da respectar l’anonimitad dal whistleblower. Item. Bunas notas na survegnan tscherts uffizis ed uffizials propi betg. Quai mussa il crimi da 270 paginas che la PUK ha publitgà sco lectura d’advent.
Ed uss? Uss èsi da spetgar la cuntinuaziun. Pir là vegn – almain en in bun crimi – caracterisà tut las fassettas dal protagonist. E pir là vegn era relevà detagls da la culissa e dal conturn, nua ch’il crimi gioga.
