Siglir tar il cuntegn

Header

cuntegn

Chalenders Ils differents chalenders rumantschs

Els tutgan simplamain en nossas stivas: ils chalenders rumantschs. En ina seria preschentain nus il «Calender romontsch», il «Calender per mintga gi», il «Chalender ladin» e la «Revista digl noss Sulom».

audio
«Chalender Ladin» e «Revista digl noss Sulom»
ord Actualitad dals 07.01.2023. Maletg: RTR
laschar ir. Durada: 8 minutas 37 Secundas.

Revista digl noss Sulom

La «Revista digl noss Sulom» è deditgada al tema «ideas». Ella prenda projects or dal truclet che n’èn mai vegnids realisads: in’autostrada tras il Surses u in center da sport sin l’alp Flex. E co statti cun in parc da lufs al Güglia u schizunt cun in «Radio Savognin»? 

Chalender Ladin

Art e litteratura stattan en il center dal «Chalender Ladin» che preschenta sper lavurs dad artists professiunals era ovras dad uffants e giuvenils. Ina tradiziun dal chalender da l’Engiadina è era la cronica che lascha passar revue l’onn cun pleds e maletgs.

audio
«Calender romontsch» ed il «Calender per mintga gi»
ord Actualitad dals 31.12.2022. Maletg: RTR, Esther Krättli
laschar ir. Durada: 7 minutas 1 Secunda.

Calender romontsch

Il «Calender romontsch», che stat sut il tema da la libertad, è questa giada pli satigl. Las rubricas da religiun, cardientscha, ma era da la litteratura mancan. Ina contribuziun preschenta il pli aut svizzer Martin Candinas. Plinavant tradescha la nova ediziun pertge che Max Frisch aveva s’interessà per il scrivent Gian Fontana.

Calender per mintga gi

Il «Calender per mintga gi» va sur ils cunfins dals idioms ora e cuntegna contribuziuns en sursilvan ed en sutsilvan. Tipic per il chalender da las valladas renanas è ch’el dat ina vusch al pievel. Uschia pon ins leger l’istorgia d’in’operaziun sut tschiel avert ch’è gartegiada, ma nua che il pazient ha tuttina sdiavlà sco in rustg.

RTR actualitad 11:00

Artitgels legids il pli savens

Scrollar a sanestra Scrollar a dretga