Siglir tar il cuntegn

Header

audio
Tge drovi per ina buna vita?
Or da Vita e cretta dals 04.07.2021.
laschar ir. Durada: 23:34 minutas.
cuntegn

Constant Tönz Tge drovi per ina buna vita?

En quest’ediziun da l’emissiun Vita e cretta raquinta il Zuozingher che ha creà ovras indumbrablas – sin taila, fatschadas, fanestras da baselgia ed illustraziuns da cudeschs – davart las ingredienzas ch'i dovra per viver ina buna vita.

Amur, di l’artist Constant Könz, vegnir amà sco uffant è la meglra partenza per ina buna vita. Cun ses 92 onns experientscha da vita guarda el enavos cun ina tenuta calma e plain bainvulientscha sin sia biografia e tut ses plaschairs e sias sfidas. El è persvas ch'era las difficultads gidan a crescher.

In buna part saja destin, è el persvas. Ma cun ina tenuta interna, cun patratgs positivs e cun ina buna purziun cretta en il bun, possian ins navigar conscientamain cun success, plaschair ed engraziaivladad tras la vita. Ed adina puspè dettia segns che mussan la via. Uschia haja in accident cun l'auto mussà ad el, ch'i saja temp da sa deditgar a sia vaira passiun, a la pictura ed a l’art.

audio
Accident d'auto ha manà el tar l'art
05:50 min, RTR Audio dals 04.07.2021.
laschar ir. Durada: 05:50 minutas.

Constant Könz raquinta dal nudar tras il mar da la vita, da l’atmosfera en la stiva da sia nona a Guarda e tge ch'in salesch ha da far cun sia filosofia d’ina buna vita.

audio
L'entira emissiun da tedlar
57:02 min, Vita e cretta dals 04.07.2021.
laschar ir. Durada: 57:02 minutas.

RTR Vita e cretta 08:00

Artitgels legids il pli savens

Scrollar a sanestra Scrollar a dretga