Siglir tar il cuntegn

Cun fotogallaria Rapid Openair Panaduz – Ina festa fatga cun premura

Dapli l’onn 2021 datti il Rapid Openair a Panaduz, quest onn è vegnì fatg festa sin il cleragl sper la plazza da tennis. Avant era quai per 15 onns il Openair Hohen Rätien a Seglias en Tumleastga.

Impressiuns dal Rapid Openair 2023

L'openair Rapid ha cumenzà cun plievgia. Dentant sajan ils organisaturs preparads per quest aura, uschia Jon Dietler dal comité d'organisaziun. Sin il palc stattan Fiona Fiasco da la Surselva, Elio Ricca, Fulmine da la Svizra franzosa e 24/7 Diva Heaven. La sonda sunan Komet City, The Black Heidis, T-Squad, Kety Fusco dal Tessin, Wolfer e Prix Garanti sco Headliner. Al Rapid Openair èsi pussaivel da campar sin il prà u da prender cun e durmir en il busin.

Rapid Openair, Fiona Fiasco
Legenda: Fiona Fiasco ha sunà e chantà cun sia band il venderdi saira RTR

Dapertut sin il terren dal Rapid Openair èn las tavlas cun si infurmaziuns scrittas a maun e sch’ins guarda al tschiel ves'ins ghirlandas da tailas da tut las colurs e musters. Als organisaturs saja quai impurtant che las visitadras ed ils visitaders vesan che l'openair è vegni preparà cun premura.

Daco il num rapid?

Al cumenzament era in vehichel da rapid il palc da l'openair. Uss è quai betg pli il cas, dentant èn divers rapids en acziun per transportar chaussas sin il terren da l'openair.

Rapid Openair, Bonaduz
Legenda: Pli baud era il rapid la tribuna dal openair, da quest temp anc il Openair Hohen Rätien RTR

RTR actualitad 17:00

Artitgels legids il pli savens