Da num e da pum - Dischöl u derschalet

Sgarschur, snuizi u spavent avessan da far las mascras ed il uffants dumondan «asch u dultsch?». En trais dis vegn elegì il president dals Stadis Unids. Per in auditur fiss la reelecziun dal president actual ina surpraisa ascha, bunamain in dischariel. El dumonda la derivanza dal pled rumantsch per in nausch siemi e quella è vaira surprendenta! Avais mirveglias cun set ureglias? Alura tadlai! En sursilvan datti la regla da l’aura «Il di dallas olmas fa ei bugen ruh». Sperain che il di suenter vegn betg ad esser memia «ruh»!