Siglir tar il cuntegn

Header

video
Nov cudesch dad Arno Camenisch
Or da Telesguard dals 08.04.2021.
laschar ir. Durada: 3 minutas 59 Secundas.
cuntegn

«Der Schatten über dem Dorf» Arno Camenisch fa ina midada da stil radicala

El è in scrivent fitg diligent. Bunamain mintg’onn ha Arno Camenisch dà ora ils davos onns in nov cudesch, tranter auter «Sez ner», «Hinter dem Bahnhof» u «Der letzte Schnee». Uss è qua il pli nov cul titel «Der Schatten über dem Dorf».

Arno Camenisch fa in quel roman ina visita en il vitg da si'uffanza. Ils lieus èn anc qua, vias, chasas e plazzas. Ma ils umans n’èn betg pli, els èn ids davent u morts. Restadas èn las regurdanzas. Uschia fa l’autur in viadi dubel en il vitg d’ozendi ed a medem temp en sia uffanza.

Quai cudesch va mai fitg a cor. Jau haì vulì scriver el dapi onns. In'istorgia che commuenta fitg mai ed igl è era in cudesch fitg persunal. Quai vul dir, jau raquint era mia istorgia.
Autur: Arno Camenisch Scriptur

Il vitg da Arno Camenisch è mintga enviern in pèr mais en la sumbriva. Ma i dat anc in’autra sumbriva. In on e mez avant la naschientscha da l’autur è capitada ina disgrazia nua che trais uffants èn morts. Questa tragedia daventa il motor emoziunal e stilistic dal nov roman.

Per pudair scriver quest roman davart sperditas, sentiments e la mort haja el duvrà temp, forsa era daventar in pau pli madirs, di Camenisch. Il cudesch duai dentant era mirar enavon e restar positivs.

audio
Arno Camenisch e ses nov cudesch «Der Schatten über dem Dorf»
ord Actualitad dals 25.02.2021.
laschar ir. Durada: 5 minutas 13 Secundas.

Per Arno Camenisch sez è «Der Schatten über dem Dorf» ses cudesch pli persunal. Ses tun è fitg quiet e sensibel, il stil tipic cun pleds dal dialect svizzer e las figuras schregas na chatt’ins betg pli.

audio
Critica dal nov cudesch da Arno Camenisch
ord Actualitad dals 25.02.2021.
laschar ir. Durada: 6 minutas 15 Secundas.

RTR actualitad 11:00

Artitgels legids il pli savens