Siglir tar il cuntegn

Header

purtret d'ina fulla da glieud durant in concert a l'openair Lumnezia 2019.
Legenda: Ils festivals èn sut squitsch. RTR
cuntegn

Directivas cleras Organisaturs da festivals pretendan segirezza da planisar

Ils organisaturs da festivals fan cleras pretensiuns e spetgan er cleras perspectivas. I dovria urgentamain ina strategia per la stad 2021 e quella stoppia fundar sin ina collavuraziun constructiva cun las autoritads. Ma i dovria er in pachet da finanzas per proteger tut quai e sur tut er directivas che valian per l'entira Svizra, scrivan ils organisaturs en ina communicaziun.

L'onn 2020 hajan ins pudì surmuntar cun agid d'in pachet d'agid finanzial, scriva l'uniun tetgala Swiss Music Promoters Association. Per dentant pudair garantir tanta segirezza da planisar sco pussaivel dovria ina schliaziun fin la fin favrer. Ils promoturs scrivan vinavant che la strategia duain vegnir sviluppada vinavant ensemen cun las autoritads. I saja impurtant da far diever dal know how da la branscha.

I giaja per il surviver dals festivals sch'i na dettia betg bainbaud ina garanzia che 100% dals custs sajan cuvrids en cas ch'ils festivals na pon betg avair lieu. Plinavant dovria er in concept da segirezza che fetschia senn. Senza quai vegnia la planisaziun ina missiun al suicidi.

RTR novitads 20:00

Artitgels legids il pli savens

Scrollar a sanestra Scrollar a dretga