Siglir tar il cuntegn

Header

Survista video Survista audio

cuntegn

Dis da litteratura 2024 Quai èn stads ils Dis da litteratura 2024

Questa fin d'emna han gì lieu per la 33avla giada ils dis da litteratura e quai a Domat. Il tema da quest onn è stà «crt & bn» – curt e bun. Sper las prelecziuns dals cudeschs, è er anc vegnì surdà il Premi Term Bel 2024 a Janic Maskos ch'ha plinavant gudagnà il premi dal public.

Autor: 

21.10.2024, 14:22

Parter

Impressiuns dals Dis da litteratura 2024

Bildergalerie überspringen
  • Bild 1 von 42. Premi Term Bel, sco er il premi dal public van a Janic Maskos. Bildquelle: RTR.
    Zwei Männer auf einer Bühne, einer hält eine Auszeichnung.
  • Bild 2 von 42. Il comité d'organisaziun prenda cumià dals Dis da litteratura. Bildquelle: RTR.
    Vier Frauen sitzen auf einer Bühne, eine liest aus einem Papier.
  • Bild 3 von 42. L'Uniun per litteratura ha prendì la chaschun a la fin ed ha engrazià al comité per lur lavur. Bildquelle: RTR.
    Zwei Frauen stehen auf der Bühne, eine spricht ins Mikrofon.
  • Bild 4 von 42. Göri Klainguti davart ses dissegns en il «Chalender Ladin». Bildquelle: RTR.
    Zwei Personen auf einer Bühne im Gespräch.
  • Bild 5 von 42. Alina Müller, Viola Cadruvi e Laura Decurtins durant la discussiun davart las duas publicaziuns «Tschiera» da Flurina Badel e «Ruschun Grimantsch e Misurana» da Dominique Caglia. Bildquelle: RTR.
    Drei Frauen diskutieren auf einer Bühne.
  • Bild 6 von 42. Bildquelle: RTR.
    Zwei Frauen diskutieren auf einer Bühne.
  • Bild 7 von 42. Bildquelle: RTR.
    Leute sitzen bei einer Veranstaltung, mit dunklen Vorhängen im Hintergrund.
  • Bild 8 von 42. Las figurinas classicas als Dis da litteratura. Bildquelle: RTR.
    Figur liest auf Buchstapel sitzend.
  • Bild 9 von 42. Preschentaziun da las 137avlas annalas rumantschas en il discurs cun Andrin Büchler. Bildquelle: RTR.
    Zwei Personen auf einer Bühne im Gespräch, daneben Blumenarrangement.
  • Bild 10 von 42. Cilgia Zangger en il discurs cun Karin Kohler e (dretg) Letizia Sonder che prelegia la paraula nov raquintada «Gion Tgavrer». Bildquelle: RTR.
    Drei Frauen auf einer Bühne in einer Gesprächsrunde.
  • Bild 11 von 42. Illustraziun da Cilgia Zangger or dal cudesch da «Gion Tgavrer». Bildquelle: RTR.
    Illustration in einem Buch mit fantasievollen Figuren.
  • Bild 12 von 42. Illustraziun da Cilgia Zangger or dal cudesch da «Gion Tgavrer». Bildquelle: RTR.
    Aufgeschlagenes Buch mit bunter Illustration einer fröhlichen Mahlzeit.
  • Bild 13 von 42. Durant il concert da Pascal Gamboni . Bildquelle: RTR.
    Band spielt Musik auf Bühne mit Blumenstrauss im Vordergrund.
  • Bild 14 von 42. Dario Hess sin tribuna. Bildquelle: RTR.
    Band spielt Live-Musik auf Bühne, Gitarrist im Vordergrund.
  • Bild 15 von 42. Bildquelle: RTR.
    Mann spielt E-Gitarre auf einer Bühne.
  • Bild 16 von 42. Tuts sautan e passan in bun temp. Bildquelle: RTR.
    Band spielt auf Bühne, Menschen tanzen und stehen in beleuchtetem Saal.
  • Bild 17 von 42. Bildquelle: RTR.
    Zwei Musiker mit Gitarren auf der Bühne.
  • Bild 18 von 42. La Combo Crassira. Bildquelle: RTR.
    Personen in glitzernden Outfits auf der Bühne.
  • Bild 19 von 42. Bildquelle: RTR.
    Bandauftritt mit Sänger und Gitarristen auf Bühne.
  • Bild 20 von 42. Bildquelle: RTR.
    Menschen bei einer Veranstaltung in einem dunklen Raum mit roter Beleuchtung.
  • Bild 21 von 42. Janic Maskos prelegia ses text per la concurrenza dal premi Term Bel. Bildquelle: RTR.
    Personen lesen bei einer Veranstaltung auf einer Bühne.
  • Bild 22 von 42. Asa Hendry prelegia ses text per la concurrenza dal premi Term Bel. Bildquelle: RTR.
    Person liest unter Lampe auf Bühne.
  • Bild 23 von 42. Filipe Barata prelegia ses text per la concurrenza dal premi Term Bel. Bildquelle: RTR.
    Mann sitzt an Tisch und schaut auf Smartphone, mit Mikrofonen und Lampe.
  • Bild 24 von 42. Laura Zangger prelegia ses text per la concurrenza dal premi Term Bel. Bildquelle: RTR.
    Frau liest bei Tischlampe am Mikrofon.
  • Bild 25 von 42. La giuria taidla ils texts prelegids. Bildquelle: RTR.
    Gruppe von Personen liest auf einer Bühne.
  • Bild 26 von 42. L'exopisziun da Göri Klainguti. Bildquelle: RTR.
    Kunstgemälde an einer Wand auf Holzstützen lehnend.
  • Bild 27 von 42. Göri Klainguti. Bildquelle: RTR.
    Älterer Mann mit Bart vor Gemälde einer Landschaft.
  • Bild 28 von 42. Guerra u pasch è il tema da la «LITTERATURA 43». Sin tribuna discutan l'autura Gianna Olinda Cadonau, l'autur Mario Pult e l'illustratur Jon Bischoff ensemen cun la moderatura Flavia Hobi . Bildquelle: RTR.
    Vier Personen auf einer Bühne, mit einem Comic-Bild auf der Leinwand im Hintergrund.
  • Bild 29 von 42. Las illustraziuns da Jon Bischoff purtreteschan divers lieus sin quest mund «che na sa chattan betg uffizialmain en guerra, ma che, per differents motivs, n’èn era betg en pasch». Bildquelle: RTR.
    Offenes Buch mit handgezeichnetem Bild und handgeschriebener Notiz.
  • Bild 30 von 42. Bildquelle: RTR.
    Aufgeschlagenes Buch mit handgeschriebenen Notizen und Illustrationen.
  • Bild 31 von 42. Bildquelle: RTR.
    Personengruppe sitzt aufmerksam in einem Veranstaltungsraum.
  • Bild 32 von 42. Litteratura rumantscha. Bildquelle: RTR.
    Büchertisch mit Menschen in einem Veranstaltungsraum.
  • Bild 33 von 42. Bildquelle: RTR.
    Tisch mit Büchern und kleiner Skulptur im Konferenzraum.
  • Bild 34 von 42. Bildquelle: RTR.
    Gruppe von Menschen sitzt an Tischen in einem Veranstaltungsraum.
  • Bild 35 von 42. Roman Caviezel prelegia ses texts satirics da ses cudesch «Palaver for ever». Moderaziun: Gabriela Holderegger. Bildquelle: RTR.
    Zwei Personen lesen auf einer Bühne sitzend.
  • Bild 36 von 42. Dominique Caglia-Dosch prelegia sia istorgia fantastica «Ruschun Grimantsch e Misurana». Modeaziun: Gian-Peder Gregori. Bildquelle: RTR.
    Zwei Personen sitzen auf der Bühne und lesen aus Büchern.
  • Bild 37 von 42. Flurina Badel preschenta ses cuesch «Tschiera». Bildquelle: RTR.
    Zwei Personen im Gespräch auf einer Bühne.
  • Bild 38 von 42. Not Soliva preschenta il Hobbit per rumantsch. Bildquelle: RTR.
    Zwei Personen auf Bühne bei Diskussion mit Publikum.
  • Bild 39 von 42. Arnold Spescha sin tribuna cun il moderatur Hans Fäh. Bildquelle: RTR.
    Zwei ältere Männer lesen auf einer Bühne.
  • Bild 40 von 42. Pled d'avertura da Manuela Balett. Bildquelle: RTR.
    Publikum in abgedunkeltem Saal blickt auf Bühne mit Vortragendem.
  • Bild 41 von 42. Gianna Olinda Cadonau preschenta il nov workshop «scriver litterar» da la Lia Rumantscha. Bildquelle: RTR.
    Bücher auf einem Tisch in Buchhandlung.
  • Bild 42 von 42. Ils Dis da litteratura sonda e dumengia en la halla polivalenta Tircal a Domat. Bildquelle: RTR.
    Gruppe von Menschen sitzt unter Bäumen vor einem Gebäude.
Zurück zum Anfang der Bildergalerie.

La 33avla ediziun dals Dis da litteratura ha cumenzà cun in’empermissiun: Manuela Balett, presidenta da l’Uniun per la litteratura rumantscha, ha annunzià gia la sonda ils Dis da litteratura 2025 e quai puspè durant l’emprima fin d’emna da november. Be tgi che organisescha els n'è anc adina betg cler u communitgà. Il comité d’organisaziun ha annunzià avant in pèr emnas sia demissiun en globo, e l’avegnir dals Dis da litteratura pareva da star sin la cupitga.

Che questa 33avla ediziun dura be dus dis empè da trais sco usità ha da far cun la Numnasontga - qua restan a Domat las portas serradas. Ma forsa è quest di da festa vegnì encunter al comité d’organisaziun che ha mess en chomma il program da quest onn cun persunal reducì – be en quatter empè dad en tschintg u dapli – e cun adina damain daners dal maun public e da fundaziuns che sustegnan occurrenzas culturalas.

Ils dis da litteratura èn impurtants per stgaffir visibilitad per la litteratura rumantscha, ch'i dat ina giada l’onn ina plattafurma per auturas ed auturs che scrivan per rumantsch, per edituras ed editurs e da festivar quai ensemen.
Autur: Sara F. Hermann manadra dals Dis da litteratura

Tut las prelecziuns ed eveniments

Preschentaziun da 9 publicaziuns

Sin la producziun da cudeschs rumantschs na para quai percunter betg d’avair in effect: 9 publicaziuns rumantschas novas èn vegnidas preschentadas durant quests dus dis a Domat. Dal cudesch da poesias al roman, da texts satirics a la paraula, da la traducziun cumplexa al text scientific. La scena da litteratura rumantscha è viscla quai che pertutga geners e formats da texts, scrit vegna en tut ils idioms ed en rumantsch grischun, dad umens (actualmain en tendenza pli vegls) e da dunnas (actualmain en tendenza pli giuvnas).

Resumaziun da las preschentaziuns

Avrir la box Serrar la box

Sonda:

Arnold Spescha fa termagls cun pleds e reflectescha en sias poesias en «Sinzurs el serein dalla sera» la lingua, l’aura e la musica. Roman Caviezel scriva cun plima gizza en «Palaver for ever» texts murdents che drizzan la critica vers ensi. Dominique Dosch guarescha al Rumantsch Grischun, pardon, a la figura deplorabla «Ruschun Grimantsch», dal mal il venter en in’istorgia fantastica ed in pau didactica davart il Rumantsch Grischun. Grazia a Not Soliva pon ins uss leger «Il Hobbit» dad J.R.R. Tolkien era en sursilvan – ed il traductur ha inventà in register entir da pleds novs rumantschs sco per exembel il «tgitgaschneks» per recrear quest mund fantastic da nanins, draguns e trols. Ed il roman nov «Tschiera» da Flurina Badel tratga a moda litterara plirs temas che brischan en Engiadina sco la folclorisaziun da las isanzas ed in martgà d’imobiglias sturn.

Dumengia:

Il segund di da la 33avla ediziun dals Dis da litteratura a Domat han cumenzà cun ina paraula tradiziunala rumantscha, raquintada da nov dad Ursina Guldemond-Netzer ed Annalisa Schaniel. Ed era las illustraziuns sgiagliadas da Cilgia Zangger transpurtan la paraula veglia en in mund pli contemporan. Ultra da quai e stada la dumengia il di da las antologias. Las «Annalas da la Societad Retorumantscha» preschentan studis scientificas davart la lingua ed il adiever dal rumantsch. La «Litteratura 34» ha ramassà texts davart il tema guerra u pasch ed il «Chalender Ladin» s'adressa en text e purtret a las muntognas e lur influenza sin la lingua e viceversa.

Qua pudais anc ina giada leger tut en detagl:

Prelecziuns per il Premi Term Bel

In dals puncts culminants dal di è stada la prelecziun e discussiun dals quatter texts finals dal Premi Term Bel. Era qua è sa mussà il grond spectrum d’acces e da differentas modas da lavur cun la lingua rumantscha en texts litterars. Ed oravant tut che ina tala concurrenza da litteratura animescha ed intimescha tant ad auturas arrivadas sco era ad auturs che fan emprims pass da producir texts cun potenzial litterar. E precis da quai dovra per promover e mantegnair ina scena da litteratura rumantscha viva e sgiagliada. 

E quai è bain ina raschun per ballar, e quai ha fatg il public fidel dals Dis da litteratura che ha emplenì la sonda da la damaun enfin la saira la sala Tircal a Domat – tar ils sounds da La Pascal Gamboni Combo Crassira cun Dario Hess ed in'apparientscha da surpraisa dal performer Luis Coray.

Quai èn las victuras ed ils victurs dal Premi Term Bel 2010-2022

Bildergalerie überspringen
  • Bild 1 von 8. 2024. Janic Maskos – «Cour’es quaint». Bildquelle: RTR.
    Zwei Männer auf einer Bühne, einer hält eine Auszeichnung.
  • Bild 2 von 8. 2022: . Flurina Badel – «Be calm». Bildquelle: RTR.
    Frau am Rednerpult mit Mikrofon und Lampe.
  • Bild 3 von 8. 2020: . Martin Cantieni – «In senza». Bildquelle: RTR.
    Person liest Papier am Tisch mit Lampe.
  • Bild 4 von 8. 2018: . Asa S. Hendry – «Binaris». Bildquelle: RTR.
    Person mit kurzem roten Haar hält Blumenstrauss und lächelt.
  • Bild 5 von 8. 2016: . Asa S. Hendry – «Davos baselgia». Bildquelle: RTR.
    Älterer Mann mit Preis und jüngere Frau mit Blumenstrauss lächelnd.
  • Bild 6 von 8. 2014: . Viola Cadruvi – «La dunna da Benedetg Albin». Bildquelle: RTR.
    Zwei Personen auf einer Bühne mit Blumenarrangement.
  • Bild 7 von 8. 2012: . Laura Zangger – «Curaschi». Bildquelle: RTR.
    Drei Personen, mittlere Person hält Blumenstrauss.
  • Bild 8 von 8. 2010: . Arno Camenisch – «Ustrinkata». Bildquelle: RTR.
    Zwei Männer im Gespräch, einer hält Blumenstrauss.
Zurück zum Anfang der Bildergalerie.

Victuras e victurs dapi il 1996

Avrir la box Serrar la box

2008: Ketty Fusco – «Un tè con le Segantini» 
2007: Chatrina Josty – «Fraida stad»
2006: Chatrina Josty – «Quatter giadas Budapest»
2005: Jürg Gautschi – «Or da la vita da Josèf auf der Mauer»
2004: Tinetta Rauch – «Eu, tü, el»
2003: Rafael Camenisch – «En vacanzas»
2002: Elvira Pünchera «Fluors sechas», Benedetto Vigne «Presumablamain»
2001: Ursina Guldemond-Netzer – «Helga»
2000: Fabiola Carigiet «Cigns giu da tschiel»
1999: Giovanni Netzer – «La fevra da Signor Zuccalli»
1998: nagin Premi Term Bel
1997: Flurin Spescha – «Déjà vu»
1996: Rita Uffer – «Sdrimas»

E quest onn va il Premi Term Bel 2024 sco era il premi dal public a Janic Maskos da Scuol che gudogna cun ses text «Cour'es quaint». Il premi Term Bel vegn sponsurà da la vischnanca burgaisa Domat ed è dotà cun 3'000 francs, il premi dal public è dotà cun 1'500 francs. «Cun meds simpels e reducids gartegia in text atmosferic da gronda qualitad – curt e bun», uschia è il fazit da la giuria.

RTR actualitad 17:00

Artitgels legids il pli savens

Menu

Tschertga

Navigaziun principala

Enquista en Modal

(Vegn avert en ina nova fanestra.)