Radund 70 auturs ed auturas da las quatter linguas naziunalas e da l’ester han prelegì or da lur pli novas ovras. En tut hai dà sur 200 occurrenzas cun bunamain 18'000 entradas. Novas furmas sco il «Flanar litterar», in program da la saira cun inscunters cun auturs ed auturas en bars da la citad, han gì success tar il public.
La litteratura rumantscha è stada preschenta tranter auter cun la Lumneziana Leontina Lergier-Caviezel che ha prelegì or da ses roman «Davos ils mugrins». Er Asa S. Hendry ha pudì persvader il public cun ina performance musicala ensemen cun Leander Albin.
In’experiment dal tuttafatg gartegià è stada l’avertura dals dis da litteratura gievgia saira. Sin tribuna èn stadas mo dunnas, tranter auter l’autura Leontina Lergier-Caviezel che ha tegnì in curt pled.
RR actualitad 07:00