Episoda 1 – Tge finamiras has ti anc en tia vita?
Mintga persuna ha finamiras èn sia vita. Quellas sa midan dentant tut tenor tge vegliadetgna ch’ins ha. Inquala ha anc grondas finamiras, entant che in’autra è gia cuntenta cun pauc. Tge finamiras has ti anc?
Episoda 2 – Nua has ti gì bler curaschi?
La vita è plain situaziuns difficilas ch’i vala da surmuntar. Magari èsi da prender ina decisiun fitg greva e magari èsi ina situaziun, nua ch’ins sto morder tras. Cura has ti gì fitg grond curaschi?
Episoda 3 – Tge è tia pli bella regurdanza?
En la vita datti bels muments als quals ins sa regorda fitg gugent. Quels muments restan a nus en memoria e nus avain simplamain plaschair da laschar repassar quels da temp a temp. Cun la vegliadetgna sa cumuleschan quels muments uschia ch’ins posseda in grond inventar plain valur.
Episoda 4 – Tge bun cussegl per la vita dessas a tatez?
Persunas pli veglias dattan a persunas pli giuvnas differents cussegls sin fundament da lur vegliadetgna. Savens èsi uschia ch’ins na taidla betg sin quels, uschia ch’ins vegn pir cun far sez l’experientscha a la conclusiun ch’ellas han gì raschun. Tge cussegl dessas ti a tatez, sche ti fissas pli giuven?
Episoda 5 – Da tge fas ti quitads?
Da l’uffanza fin en l’auta vegliadetgna accumpognan ils quitads nus. Mintgin fa quitads, schegea che la gronda part da quels èn nungiustifitgads. Ins emprova dentant da surmuntar els e da chattar ina via da viver cun quel, uschia ch’els laschan tuttina durmir nus.
Episoda 6 – Cura has ti sentì luschezza?
En la vita datti muments nua che nus ans sentin sco sin il piz dad in culm e nagin na po stuschar nus da quel. La luschezza è in sentiment ferm che lascha crair en l’atgna persuna. Savens è quai in sentiment, suenter che nus essan ids ina via difficila, ma avain superà quella cun ir sur nossas capacitads ora.
Episoda 7 – Tge vegn a la curta tar tai?
Lavurar, tgirar contacts, ruassar, ir a scola – Il di ha mo 24 uras e far tut quai ch’ins ha planisà na funcziuna savens betg, uschia ch’igl è da metter prioritads. Quai vul dir che tschertas chaussas vegnan negligidas. Tge vegn a la curta tar tai?
Episoda 8 – Tge munta success per tai?
Mintgin ha in’autra definiziun dal success, tut tenor tge focus ch’ins ha en la vita. In po avair plaschair da daners, in’autra chatta satisfacziun cun far dal bain a persunas ch’han dapli difficultads en la vita. Tge munta success per tai?
Episoda 9 – Per tge ès ti il pli engraziaivel en tia vita?
Nua ch’ins nascha n’è nagut auter ch’ina lottaria. Da viver en Svizra cun in sistem da scola, da sanadad e politic che funcziuna è in luxus. I dat dentant anc bleras autras chaussas per las qualas ch’ins po esser engraziaivel mintgadi. Nus pudain dentant esser engraziaivels anc per bleras autras chaussas.
Episoda 10 – Tge ta vilenta en spezial?
Che la vita na consista betg mo da bels muments è cler. Mintga di datti muments che pon grittentar – e magari dovri era be pauc che nus vegnin «granata». Tge vilenta tai en spezial?
