Siglir tar il cuntegn

Header

audio
Irma è back 012 - Star Wars - Episoda 6
Or da Irma dals 09.07.2021.
laschar ir. Durada: 10:49 minutas.
cuntegn

Gieu auditiv Irma strikes back

Ina galaxia n'è betg gronda avunda per ina Irmeratura e per ses adversaris. En la retscha da gieus aditivs «Irma è back» prenda Michel Decurtins questa giada en mira l'univers da science fiction fantastic da Star Wars. Adatg: Gioda inside.

Las figuras da George Lucas vegnan tratgas da l'Irma per las paraids dals bastiments spazials – u meglier ditg per la galaxia lunsch lunsch davent enturn. Agid survegn l'Irm(eratur)a da Darth Antoni e da las armadas da schuldada da l'imperi, dals quals uschè u uschia nagin na sa il num.

Adina mo pender enturn

Apropos urden che nagin sa il num: L'Irmeratura e ses trais tarments bastiments spazials circumdeschan en buna tradiziun da Star Wars differents planets dals quals nagin po pli sa regurdar vid il num, e sajettan quels tar clump.

Sa chapescha pon intginas figuras misteriusas che pendan uschiglio simplamain per ils planets enturn scappar. Ed uschia va l'istorgia liber. 6 Episodas. Mintga venderdi saira datti ina nova.

Star Wars cun l'Irmeratura, il Darth Antoni, Zsa Zsa Binx ed aunc empau autras figuras.

Sorry George Lucas… els han sfurzà mai da far quai!

Podcast via play RTR, Spotify, Google podcast etc.

Las istorgias vegnan publitgadas da RTR a moda regulara via Play RTR e tut ils gronds servetschs da podcasts. Mintg'emna cumpara ina nova part d'ina istorgia. Las istorgias èn adina partidas si en 6 parts, uschia ch'ins po – sch'ins fa in abunament (!) – sa legrar mintg'emna sin novas aventuras cun l'Irma, il Gion-Antoni e tut tschels nas.

RTR actualitad 17:00

Artitgels legids il pli savens

Scrollar a sanestra Scrollar a dretga