Siglir tar il cuntegn
Inhalt

Cultura Il di che ha midà tut

En ils «Cuntrasts» dals 28 d'october 2018 vegnan raquintadas e menziunadas las istorgias dad Uorschla Rupp, Silvan Wolf, Jon Pünchera, Eveline Widmer-Schlumpf, Renzo Blumenthal e da l’anteriura vischnanca da Piuro (I).

Legende: Video Il di che ha midà tut abspielen. Laufzeit 24:23 Minuten.
Or da Cuntrasts dals 24.10.2018.

«La forza è svanida or da mes corp»

Il di dals 12 d’october 2002 explodeschan a Kuta (Bali) pliras bumbas – in act terroristic. Ina da las 202 victimas è Gian Andrea Rupp da Tschierv. Per la mamma sballuna quel di in mund. Als Cuntrasts raquinta ella co ella ha passentà ed elavurà quella tragedia.

Legende: Video Gian Andrea Rupp: victima d'in act terroristic a Kuta (Bali) abspielen. Laufzeit 06:02 Minuten.
Or da RTR dals 22.10.2018.

«Mintgadi po capitar insatge»

Ils 4 da settember 1618, avant exact 400 onns, sutterrescha ina bova la vischnanca da Piuro en Val Bregaglia. Ina catastrofa cun presumadamain var 1’000 morts. Ed anc oz sa regorda la val da questa tragedia.

Legende: Video L'onn 1618: La bova da Piuro (I) abspielen. Laufzeit 05:45 Minuten.
Or da RTR dals 22.10.2018.

Wolf di «wow!»

Ils 30 da settember è l’emprim di da Silvan Wolf sco gardist dal papa en il Vatican. In pled da smirvegl croda savens quel di tar il giuven Sursilvan: «Wow!».

Legende: Video Silvan Wolf: gardist dal papa en il Vatican abspielen. Laufzeit 05:46 Minuten.
Or da RTR dals 22.10.2018.

«Ussa sun jau cuntent che tut quest è passà» (archiv)

La fin d'avust 1979 fa Jon Pünchera in sgol da transport sin sia chamona da chatscha. Il helicopter croda e per il giuven bab da famiglia entschaiva ina lung'istorgia d’operaziuns e d’obstachels – però era ina lunga istorgia d’optimissem e voluntad. Nus avain raquintà l’istorgia da Jon Pünchera da Domat en in «Cuntrasts» da l’onn 2016.

Legende: Video Jon Pünchera ed in sgol da helicopter (archiv) abspielen. Laufzeit 04:32 Minuten.
Or da RTR dals 22.10.2018.

«In diesem Sinne erkläre ich Annahme der Wahl» (archiv)

Ils 12 da december 2007 procura ina dunna grischuna per in veritabel terratrembel politic. Quel di vegn elegida Eveline Widmer-Schlumpf sco cussegliera federala. Il di suenter accepta ella l’elecziun. La consequenza: Sia partida PPS declera dad ir en l’opposiziun, la secziun grischuna vegn exclusa da la partida svizra ed i nascha ina nova partida, la PBD. Ils 13 da december 2007 aveva il «Telesguard» realisà in’entira emissiun da quest’elecziun surprendenta.

Legende: Video Eveline Widmer-Schlumpf accepta l'elecziun (archiv) abspielen. Laufzeit 21:30 Minuten.
Or da RTR dals 22.10.2018.

Il di da Renzo (archiv)

Ils 30 d’avrigl 2005 è in di che dat ina vieuta ad in bel um da la Lumnezia: Renzo Blumenthal daventa Mister Svizra e vegn uschia catapultà dad in mument a l’auter en la prominenza svizra. Il «Telesguard» dals 2 da matg 2005 aveva recapitulà la saira da l’elecziun – tranter Turitg e la Val Lumnezia.

Legende: Video Renzo Blumenthal daventa Mister Svizra (archiv) abspielen. Laufzeit 04:17 Minuten.
Or da RTR dals 22.10.2018.