Il moviment dal 68 en il Grischun

Avant bunamain 50 onns ha il moviment dal 68 midà a moda radicala la societad dal suenterguerra. Che quest fenomen internaziunal ha era influenzà il chantun Grischun, mussa in nov cudesch che vegn preschentà quests dis.

L'autur Werner Caviezel cun sia ovra. Bild in Lightbox öffnen.

Legenda da maletgs: L'autur Werner Caviezel cun sia ovra. RTR, Esther Krättli

«68er-Bewegung in Graubünden. Erinnerungen und Erlebnisse» è ina cronica dal svilup da la politica sanestra en il chantun. L’autur Werner Caviezel lai reviver quai cun regurdientschas persunalas vid quest temp ch’el descriva or da la perspectiva subjectiva d’in protagonist fitg activ.

Mussada vegn l’influenza da las revoltas da students a Paris ed en auters lieus sin las discussiuns politicas tranter ils giuvens grischuns. La naschientscha e la radicalisaziun da gruppaziuns sco «Raetia progressiva» e «Viva-Kollektiv» vegnan illustradas cun bleras fotografias e testimonianzas interessantas e divertentas da differentas perditgas dal temp ch’èn ozendi persunas impurtantas.

RR actualitad 11:00