Siglir tar il cuntegn

Header

Navigaziun

Legenda: Tadlar il audio Trun e ses Carigiet. Durada 37:57 minutas.
Or da Marella dals 05.05.2019.
cuntegn

In vitg en fevra da Carigiet Trun e ses Carigiet

Ina gruppa privata planisescha in museum Carigiet, il Museum Sursilvan Cuort Ligia Grischa survegn in legat da passa 60 maletgs ed il brischament da la chasa paterna dals Carigiets a Trun. Eveniments che n'han sin l'emprima egliada da far nagut in cun l'auter procuran per discussiuns.

A Trun – en la patria dal pictur artist Alois Carigiet – vegn discutà actualmain, schebain ins less e duess realisar in museum a posta per l'artist. In tema ch'è vegnì anc pli preschent, dapi che la chasa paterna da l'artist ha brischà l'enviern passà. Questa chasa è en possess privat, ina chasa abitada fin tar l'incendi. Actualmain pondereschan ils possessurs tge far en il futur cun la chasa.

Gia avant il brischament era ina gruppa d'interessents privats londervi da far plans per realisar in museum Carigiet a Trun. Suenter il brischament è era naschida l'idea ch'il lieu da la chasa paterna pudess esser adattà per in museum.

Per surpraisa ha lura il Museum Sursilvan Cuort Ligia Grischa survegnì la primavaira passada in legat da passa 60 maletgs da Carigiet. In vair stgazi.

En la marella ans mettain nus sin ils fastizs da Carigiet e las discussiuns actualas a Trun.

Realisar in museum per in sulet artist, quai na vegn betg fatg savens. L'expert d'art ed anteriur directur dal Museum d'art Grischun e dentant persvas che per Carigiet faschess in tal museum senn. Pertge che quai è uschia, declera el qua:

Plaschair d'in museum Carigiet a Trun, avess era l'artist indigen Gieri Schmed. Sco giuven, ha el pliras giadas pudì gidar Carigiet da far maletgs da paraid. El sa regorda anc bain da quests temps. Pli tard ha Schmed lura pudì purtar ina giada sias atgnas lavurs e maletgs ad Alois Carigiet, ch'era l'aug da sia dunna Barla. In zichel tremblond saja el ì lezza giada a Flutginas tar l'aug Luis:

Gia avant intgins onns avain nus raquintà l'istorgia dal Uorsin da Selina Chönz ed Alois Carigiet, il buob da Guarda che ha fatg sia via per l'entir mund enturn. Oz, fiss el probabel en la vegliadetgna da pensiun, el è dentant actual sco anc mai. A Chönz e Carigiet èsi gartegià da far nascher ina figura che fascinescha giuven e vegl. Ina figura, che derasa optimissem e curaschi e che vegn era duvrada per declerar la «swissness», ubain l'idilla da la vita en la muntogna.

La marella dal 2013 «Raquint local – success mundial» è vegnida emessa il 2013 – ed ussa era qua:

RR Marella 10:00