Siglir tar il cuntegn

Header

cuntegn

L'ultim Da num e da pum Chasper Pult ha dà in sguard sin ils ultims 14 onns

Questa sonda datti l'ultima giada il «Da num e da pum» cun Chasper Pult – 14 onns e mez ha el fatg l'emissiun. Cun Livio Foffa dat el in sguard enavos sin quels 14 onns.

purtret da Chasper Pult davant la chasa RTR.
Legenda: Chasper Pult ha 14 onns fatg l'emissiun Da num e da pum. RTR, Claudia Cathomen

Il bab da Chasper Pult ha adina empruvà da svegliar l'interess da ses uffants per nums. Saja quai nums geografics u nums d'animals ed uschia vinavant. Chasper Pult e ses frar hajan sco uffants adina empruvà da scuvrir las muntadas davos nums.

audio
L'interess per las expressiuns e per nums ha sveglià ses bab
ord Actualitad dals 25.02.2022.
laschar ir. Durada: 8 minutas 39 Secundas.

Ils temas per l'emissiun sajan fitg savens vegnids dals auditurs. El haja savens survegnì propostas da dal tut la glieud. Savens haja el gì ina glista da spetga, uschè blers temas eran dumandads. Da temp en temp haja el er pudì duvrar temas actuals.

audio
Chasper Pult: Propostas ha la glieud adina tramess avunda ad el
ord Actualitad dals 25.02.2022.
laschar ir. Durada: 6 minutas 2 Secundas.

La vusch da Chasper Pult è enconuschenta a fitg blers e bleras. El raquinta d'in inscunter ch'el haja gì cun insatgi che haja cumenzà a discurrer cun el cura ch'el è ì en in'ustaria sin tualetta. Quest um haja vulì savair tge ch'il num da ses prà muntia.

audio
Gnanc pudì far pisch en paus
ord Actualitad dals 25.02.2022.
laschar ir. Durada: 7 minutas 17 Secundas.

Mintgatant hai er dà nums ch'èn stads ina pulita sfida da chattar ina muntada. Ma, quai saja adina stà ina sfida e betg in sforz. L'impurtant saja da betg dar si, lura chattian ins er ina schliaziun. E na, sia schlatta, n'haja da far nagut cun in pult.

audio
Chasper Pult: Sfidas ch'i ha dà da chattar muntadas
ord Actualitad dals 25.02.2022.
laschar ir. Durada: 7 minutas 37 Secundas.
Podcast Da num e da pum

Pleds enserra indizis, ideas ed istorgias

Ulteriurs audios e podcasts

RTR actualitad 11:00

Artitgels legids il pli savens

Scrollar a sanestra Scrollar a dretga