Gaby Degonda dat gugent ina baterlada cun vus, telefonai en il studio sin il numer 0800 20 25 30 tranter las 08:00 e las 09:00. Era suenter l'emissiun avain nus in'ureglia averta per Vossas istorgias, lura sin il numer 081 255 79 00 – quai tranter las 09:00 e las 11:00. L'adressa dad e-mail è amur@rtr.ch.
En tschertga da l'amur
Quant tgunsch ubain quant vess vai insumma da chattar l'amur? Tge capita en quest mument? Datti propi l'amur a prima vista e nua chatt'ins quella?
Mardi: I fa bumm!
Tgirallas en il venter ed in surrir sin ils lefs che na vul betg svanir: Il mument cura ch'i fa bumm ed il sentiment dad esser inamurà va tras corp ed olma. As regurdais anc?
Mesemna: La grond'amur
La grond’amur chattan ins tranter las cuvertas da cudeschs, cun ir a l’opera, a teater u a kino. Dentant: Dentant bleras da questas amurs fineschan da maniera tragica.
Gievgia: Crisas
Ellas pon vegnir be plaunsieu ubain tut surura: Las crisas en l'amur. Il quart di sut l’ensaina da l’amur metta il focus sin la dolur. Tar mintga, ni almain tar bleras amurs, datti ina u pliras giadas ina crisa. Co evitar e tge far sch'ins è sco pèr en crisa?
Venderdi: Forever
Co mantegn’ins viva la grond’amur? Ils experts ed expertas en questa dumonda essas Vus. Ans quintai co che Vus avais tgirà e guardà che l’ardur sa mantegna er sur onns. Ans telefonai da glindesdi, ils 20 da matg, enfin venderdi, ils 24 da matg, mintgamai tranter las 09:00 e las 11:00 sin 081 255 79 00 u ans scrivai amur@rtr.ch.
RR amur 08:00