Siglir tar il cuntegn

Header

cuntegn

Litteratura Arno Camenisch sin glista lunga da Premi tudestg dal cudesch 2020

Arno Camenisch figurescha sin la glista lunga dal Premi tudestg dal cudesch 2020. L'autur rumantsch è nominà cun ses cudesch «Goldene Jahre». Dasper Camenisch èn er Dorothee Elmiger e Charles Lewinsky sin quella.

Purtret dad Arno Camenisch als dis da litteratura a Soloturn il 2018.
Legenda: Keystone

Ord passa 200 ovras inoltradas han ils experts da litteratura selecziunà ord lur vista ils 20 megliers cudeschs da l'onn. Blers dals romans tschernids sajan biografics u autobiografics, ha declerà la pledadra da la giuria Hanna Engelmeier. Represchentads fermamain sajan er temas istorics.

Ils 15 da settember vegn la glista lunga cun ils 20 titels reducida sin la shortlist cun anc 6 cudeschs. Il victur dal Premi tudestg dal cudesch vegn annunzià l'october. Il premi è dotà cun total 37'500 euros. Il victur survegn 25'000 francs, ils auters auturs sin la shortlist mintgamai 2'500 euros.

Ord l'archiv:

video
Arno Camenisch - 10 cudischs en 10 onns
Or da Telesguard dals 09.10.2019.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga