Siglir tar il cuntegn

Header

audio
«Il lung viadi»
laschar ir. Durada: 05:41 minutas.
cuntegn

Litteratura Cun la racheta en l’univers da Clo Duri Bezzola

In nov cudesch da chant illustrà preschenta in tozzel chanzuns da Clo Duri Bezzola (1945-2004). Surprendent forsa che l’autur engiadinais n’ha betg mo scrit ils texts, mabain era cumponì las melodias.

«Il lung viadi» nus maina en situaziuns da mintgadi dad uffants, en chasas da virivari ed en stanzas da scola nua ch’ins emprenda per la vita. Ils texts da Clo Duri Bezzola intimeschan dad observar fitg precis tut quai ch’è enturn nus. Cun umor, in dun per las finezzas da la lingua e blera chapientscha per ils uffants quintan ils texts istorgias divertentas.

purtret dals trais che tegnan ina racheta
Legenda: Els han collavurà: da san. Ursina Giger, Martin Bezzola (il figl da l'autur), e Pia Valär. MAD

Las illustraziuns da Pia Valär laschan scuvrir detagls nunspetgads. Las cumposiziuns cun arranschaments che han potenzial da daventar auriculins vegnan chantadas dad Ursina Giger e da Martin Bezzola, il figl da l’autur. Il cudesch da maletgs «Il lung viadi» cuntegna sper in disc cumpact era in carnet cun notas per chantar a chasa u a scola.

RTR Ura culturala 11:00

Artitgels legids il pli savens

Scrollar a sanestra Scrollar a dretga