Siglir tar il cuntegn

Header

audio
Litteratura: Bob e Pina as faun davent
Or da Ura culturala dals 18.04.2020.
laschar ir. Durada: 04:24 minutas.
cuntegn

«Litteratura» Las aventuras dals dus mils da Latsch

Il nov cudesch da maletg «Bob e Pina as faun davent» è in’istorgia vaira or dal pitschen vitg Latsch sur Bravuogn. Là stat Matteus Guidon cun ses dus mils. El è in tip original cun ina grond’amur per animals ch’el tgira sco uffants.

Ils mils Bob e Pina èn mintgatant stinads sco lur patrun. Els sa sentan fitg bain en la stalla da Matteus. Ma cur che quel prenda si duas aucas, èsi a fin cun la vita patgifica. Las aucas Padin e Sarsin zaccagnan ils dus mils. In bel di decidan Bob e Pina da scappar.

Cover dal cudesch da maletgs
Legenda: Il nov cudesch da maletgs "Bob e Pina as faun davent" RTR, Esther Krättli

L’autur ed illustratur Reto Eberhard Rast è medi e viva a Lucerna. El è creschì si en Engiadin’Ota. Il cudesch biling «Bob e Pina as faun davent» ha l’autur deditgà a ses padrin Matteus Guidon.

In cudesch da: Reto Eberhard Rast, Bob & Pina reissen aus/as faun davent, chasa editura Bäschlin 2020 (biling tudestg/puter)

RTR ura culturala 11:00

Artitgels legids il pli savens

Scrollar a sanestra Scrollar a dretga