Las novas poesias èn pli curtas e pli condensadas, giran però enturn ils medems temas: la tschertga dal jau d'ina patria e l'inscunter dal jau cun il ti. Er il scriver sez vegn tematisà, cunzunt quai che capita tranter las lingias.
Cadonau lavura cun l'opposiziun dad abstract e concret, stgaffescha maletgs da suns e descriva la zona turbla e vaga che sa chatta tranter ils differents munds e che para dad esser il mument d'inspiraziun da Gianna Olinda Cadonau.