Siglir tar il cuntegn
Inhalt

Cultura Litteratura pailusa

La turnea per festivar ils 25onns da l’emissiun Impuls dal Radio Rumantsch «Sin il viv!» è sa fermada dumengia ils 4 da november 2018 per la settavla ed ultima giada, quai durant ils Dis da Litteratura en il salun da coiffeur Haaratelier Domat. Passa 60 persunas èn vegnidas a tadlar e vesair.

Legende: Video «Sin il viv» dals 04-11-2018 Domat abspielen. Laufzeit 58:57 Minuten.
Or da RTR Social dals 04.11.2018.

Questa ultima ediziun da «Sin il viv!» ha mess il focus sin l’aspect impurtant da la promoziun da «novAs auturAs», che l’emissiun Impuls fa dapi 1993. Las redacturas responsablas per Impuls, fin 2016 era quai Rita Uffer e dapi lura Flurina Badel, han numnadamain adina er ina funcziun da tschertgatalents e coach. Pliras auturas e plirs auturs han perfin fatg lur emprims pass litterars en il public cun scriver impuls. Uschia era per exempel er il tujetschin Carlo Beer, che ha prelegì en il Haaratelier ensemen cun la valladra Sidonia Pazeller, la putera Jessica Zuan e cun l’autura Myriam Pelican, che scriva impuls schon dapi l’onn 2011 en ses pli bel rumantsch da Domat.

En tut èn vegnids prelegids 16 impuls fitg differents e tuts quatter han scrit er in impuls bel ed aposta per la prelecziun en il salun da coiffeur. Uschè han Jessica Zuan e Sidonia Pazzeller contribuì duas istorgias fitg differentas sur dal ir tar il coiffeur. Myriam Pelican ha scrit ina anecdota ord sia atgna vita, colliada er cun ses ravugl da famiglia a Domat. E Carlo Beer ha prelegì ina istorgia plitost trista ma er legra cun quai ch’ella cuntegna fassettas absurdas.

RR sin il viv