Magazin da cultura - Zacu – zaco – Zuccolini

Claudio Zuccolini festivescha quest onn trais giubileums, uschia raquinta el en ses nov program. 20 onns maridads, 30 onns surpaisa e quest atun festivescha el ses 50avel anniversari. «DARUM» è il nov program che tematisescha tranter auter era quests terms. Davart crear in program nov e tge umor che na va insumma betg per el:

audio

Claudio Zuccolini davart ses nov program DARUM

07:13 min, ord Magazin da cultura dals 19.02.2020.

laschar ir. Durada: 7 minutas 13 Secundas.

Cun sia famiglia viva Claudio Zuccolini gia passa 20 onns a Turitg. Savens turna el dentant puspè en il Grischun, ir cun skis en Engiadina ubain visitar la famiglia. Quest atun ha el decis da far part al New York Maraton, davart questa sfida, raquinta el qua:

audio

Claudio Zuccolini festivescha prest il 50avel.

04:14 min, ord Magazin da cultura dals 19.02.2020.

laschar ir. Durada: 4 minutas 14 Secundas.

Litteratura

En il center dal roman «Die Silberne» da Regula Caviezel stat ina dunna che viva en las muntognas. Ella ha ina ferma relaziun cun la natira e vegn protegida d’in’orvetta d’argient. Sia vita mida cur ch’in giast betg envidà cumpara tuttenina.

audio

Litteratura: «Die Silberne» da Regula Caviezel

06:54 min, ord Magazin da cultura dals 07.03.2020. Maletg: RTR, Esther Krättli

laschar ir. Durada: 6 minutas 54 Secundas.

RTR Magazin da cultura 11:00