Ina chaussa è clera per la spendrera e l’accumpagnader da muribunds: Nascher e murir tutgan ensemen – en sasez ina constataziun banala. Tuttina vegnan naschientscha e cunzunt la mort savens tabuisadas en nossa societad. In motiv po esser che vita e mort tutgan tar ils ultims misteris da noss’existenza.
Naginas retegnientschas da discurrer han però ils dus protagonists da quest’emissiun. Sper aspects medicinals giogan per els facturs miaivels sco ina fidanza vicendaivla e dumondas spiertalas ina gronda rolla en lur engaschi. E qua datti inqual malsegirtad. Iso Tuor giavischa ina tenuta pli aviarta da la societad envers la mort, e Graziella Montalta giavischa che geniturs survegnan dapli fidanza en els sezs e na betg be en la tecnica medicinala.
Cun la spendrera e l’accumpagnader da muribunds tematisescha questa Marella ils cunfins ed ils misteris da la vita, e discurra cun els davart malsegirtads, la moda da communitgar senza pleds ... ed anghels pertgiraders moderns.
Dapli dal tema
RR Marella 09:00
