A la via da Masans a Cuira èn da chasa stgilats alvs, pors selvadis o era raritads sco Fridolin, il bastard mez chaura e mez capricorn che il museum aveva cumprà cun l’intent da perscrutaziun. En il plaun sutterran, en il local da protecziun per bains culturals, sa chattan object prezius, sco la collecziun da tschittas che è var 230 onns veglia. Ed en ina gronda frestgera spetgan ils pli divers animals en satgs da plastic che il preparatur vegn insacura a metter en parada.
1 / 7
Legenda:
En il local da protecziun per bains culturals sa chattan ils stgazis dal museum
RTR, Maria Victoria Haas
2 / 7
Legenda:
La pli veglia collecziun da tgirallas dal Grischun, passa 230 onns veglia
RTR, Maria Victoria Haas
3 / 7
Legenda:
In auter stgazi - ils quatter albinos...
RTR, Maria Victoria Haas
4 / 7
Legenda:
In tschess barbet cun ina lieur alva tranter las griflas - in'inscenaziun da l'onn 1859
Keystone
5 / 7
Legenda:
Il Jumbo - il pli grond quarz da fim dal Grischun, 53 cm aut e cun in pais da 73 kg
RTR, Maria Victoria Haas
6 / 7
Legenda:
Il portg selvadi en il laboratori da l'empagliader dal Museum da la natria dal Grischun
RTR, Maria Victoria Haas
7 / 7
Legenda:
Il model dal corp d'ina fiergna melna ch'l preparatur ha semtgà per surtrair el alura cun il fol
RTR, Maria Victoria Haas
La Marella dat in cuc en tschalers e laboratoris, guarda co che animals vegnan archivads e conservads, sa metta als fastizs da l’origin da la collecziun dal museum e mussa co che la moda e maniera da preschentar natira è sa midada ils davos 150 onns. Sa midà ha, tenor ils pedagog da museum, era la relaziun e savida che uffants han oz da la natira davant porta.
