Cultura - Marina Lutz prenda sin la corna ils Svizzers

«Worauf wir Schweizer stolz sind» è il titel. Sin tge èn ils Svizzers pia uschè loschs? Per exempel sin »qualitad svizra« e »tecnologia d’export«. Senza remischun e cun plima gizza dissegna Marina Lutz la mamma Helvetia ch’è loscha sin la qualitad dal panzer svizzer destinà a l’export.

Maletg 1 / 8

Legenda: La Svizra gudogna massa daners cun l’export dad armas en zonas da crisa – caricatura dal 2014. Marina Lutz

Maletg 2 / 8

Legenda: Gardists svizzers vegnan mulestads sexualmain dal clerus en il vatican – caricatura dal 2014. Marina Lutz

Maletg 3 / 8

Legenda: Il luf stgarpa bleras nursas ed in asen daventa unfrenda da l’urs M25 – malgrà saiv electrica – caricatura dal 2014. Marina Lutz

Maletg 4 / 8

Legenda: Alternativas grischunas tar l’evla dubla che intgins giugadurs svizzers han mussà suenter la victoria encunter la Serbia a la WM en Russia – caricatura dal 2018. Marina Lutz

Maletg 5 / 8

Legenda: A l’avertura dal tunnel atras il Gottard croda Doris Leuthard si cun in vestgì da design plain rusnas – caricatura 2016. Marina Lutz

Maletg 6 / 8

Legenda: L’AVS stat avant grondas sfidas perquai che la populaziun vegn adina pli veglia – caricatura dal 2016. Marina Lutz

Maletg 7 / 8

Legenda: La populaziun svizra vegn adina pli veglia – caricatura dal 2016. Marina Lutz

Maletg 8 / 8

Legenda: Magdalena Martullo-Blocher candidescha en il Grischun per il cussegl naziunal malgrà sia derivanza turitgaisa – caricatura dal 2015. Marina Lutz

Caricaturista tschertgada

Mo paucas uras ha ella mintgamai peda per dissegnar e dar giu a las gasettas sias lavurs. Las incumbensas survegn ella mintgamai dal Bündner Tagblatt, da la revista satirica Nebelspalter u da portals d’internet sco swissinfo.ch u parlament.ch.

Gia daditg ha ella gì l’idea d’edir ina schelta da sias caricaturas en in cudesch. Cun ina acziun da crowdfunding èsi finalmain gartegià. Ella ha chattà 41 persunas che gidan a finanziar la stampa e la grafica ed il text ha ella sezza procurà.

Marina Lutz

artista e caricaturista

Personen-Box aufklappenPersonen-Box zuklappen

Marina Lutz (*1988) è creschida si a Rabius ed abitescha a Lucerna. Là ha ella era studegià illustratura. Dapi il 2013 lavura ella sco artista libra e sco caricaturista. Il 2016 ha ella retschavì il premi da promoziun dal chantun Grischun.

Uss è la caricaturista loscha ch’igl è reussì. La sonda ha lieu la vernissascha a las 19:00 en la Kali Gallery a Lucerna.

Actualitad 11:00